У Баранавічах улады запалохваюць праціўнікаў АЭС грашовымі спагнаннямі

4 жніўня 2009

Сёння ў судзе Баранавіцкага раёна і г. Баранавічы адбылося папярэдняе  
паседжанне па іску КУРЭП "ЖРЭУ г. Баранавічы". Камунальнікі патрабуюць  
у траіх маладзёнаў 3 353 256 рублёў за зафарбоўванне графіці на сценах  
і платах горада.

У ноч з 25 на 26 красавіка бягучага году Аляксей Жынгероўскі і двое  
яго сяброў былі затрыманыя каля Баранавіцкага райвыканкама. Пазней на  
судзе і адміністрацыйных камісіях іх прызналі вінаватымі ў нанясенні  
трох графіці "Нет АЭС" і далі штрафы розных памераў па арт. 17.1 КаАП.

Цяпер ЖРЭУ спрабуе прымусіць юнакоў аплаціць зафарбоўванне 19-ці  
розных надпісаў па вуліцах Брэсцкая, Савецкая, Войкава і Леніна. У  
нефармальных гутарках супрацоўнікі міліцыі паведамляюць, нібыта мэр  
горада "ўзяў справу пад свой кантроль" і дзеянні ЖРЭУ тлумачацца  
ціскам з боку адміністрацыі.

Адказчыкі лічаць патрабаванні камунальнікаў неабгрунтаванымі і  
абсурднымі. "Гэта нішто іншае, як адміністрацыйны ўціск грамадскіх  
актывістаў," – кажа Аляксей Жынгероўскі. – "Але нягледзячы на такую  
дзіўную форму рэпрэсій я застаюся пры сваіх ранейшых перакананнях і  
лічу будаўніцтва АЭС шкоднай задумай".

This entry was posted in Общая. Bookmark the permalink.